مثل ما تعرفون أحبتي أنا مصندح طول عمري وجبهتي تقل سبورة واللي يشفع لي هو باقي ان الشعر موجود لدرجة تمنيت يطيح كله عشان اكون اصلع رسمي بدون هالذبذبة وفجأة قررت اجرب الصلع الكامل وحلقت مكينة وانصدمت بكثرة اللي انعجبو باللوك وانه راكب ولابق علي بالضبط

فأهلاً بالصلع :

#ثريد

حياة الصلعان جنة من الراحة والاستقرار النفسي والمادي ،، الصلع يخفف من أعباء الحياة عليك ابتداءاً من وقفة المراية للتمشيط وتوفير الوقت لما تصحى من النوم وانتهاءاً بوصولك لداومك، يخفف من هم كد الشعر وتمشيطه وهذا سيختفي من حياتك تماماً ..

لن تضطر لغسيل شعرك المدهن كل يوم ولن تحوم كبدك من شعره طايحه على ملابسك كل خمس دقايق ،، الموضوع عظيم وانترستنق ..

كونك اصلع هذا يعني ان الشامبو بيحول عليه الحول وطاولة غرفتك بترتاح من الكريمات والبلسم اللي مليان كيمس ،، عزيمتك للطلعه بتزيد لأن ماعندك هم غسيل وترتيب ..

كل انسان يحب التخفيف والمثل يقول ما طاح من النجوم اخف للسماء والصلعه أعلى مراتب التخفيف ..