كيف أحصل شريك لـ Startup؟ (الجزء الاول)
عندك فكرة فنانة, بس ما عندك كل المهارات عشان تبنيها, يمكن تحتاج شخص شاطر مبيعات, او ما تعرف تبرمج, او تحتاج شخص يدير العمليات...
كيف أقدر احصل الشريك المناسب؟ وهل احتاج شريك من الاساس؟ ثريد اليوم موضوع معقد وحساس -يتبع
- هل احتاج شريك؟ انا افضل اشتغل وحدي.
يفضل انه يكون عندك شريك, وانا اؤمن بهذا الشيء, ولكن ما شرط.
- بس ليش؟
الاسباب متنوعه منها, اذا انت ما قادر تقنع شخص واحد يكون شريكك في هذا المشروع, كيف بتقدر تقنع اي شخص يشتري منتجك او يستثمر فيك؟
السبب الاخر, مهما كنت واثق من قدراتك, عشان تبني شركة, تحتاج ناس تساعدك, بتجي ايام صعبة قدامك, لما تكون منحبط وتحس انه كل شيء ما راضي يشتغل, بتحتاج شريك يساعدك تطلع من انتكاستك. وايضا لما تكونوا ناجحين وفرحانين, الشريك يساعدك انك توصل لنجاح اكبر.
وقد يكون اهم سبب هو, انه بيقولك انته غبي يوم تحتاج حد يقولك انته غبي -موظف ما بيقولك. كلنا تجينا فترات نسوي قرارات ?♂️ما نقول الا خليها مستوره ونحتاج شخص يكون صريح معنا وما بس كل شيء نقوله يقول "ايوه صح كلامك"
ايضا, المستثمرين ما يحبوا يستثمروا في Solo Founders في المرحلة المبكرة
- اوكي احتاج شريك, كيف احصلهم؟
أفضل نوع, هو النوع الي تعرفه من قبل, في العادة بيكون شخص اشتغلت معاه عن قرب في مشروع في وظيفه سابقة وانته متأكد انكم تقدروا تشتغلوا مع بعض, وصارت بينكم مواقف كثيرة أكدت انه الخلافات ممكن تنحل بينكم.
