لماذا يكرهون تشافي؟
بدون مقدمات، المقال ده كبير، بل أكبر مقال أنا كتبته وأعتقد مش هكتب مقال بالحجم والتفصيل ده تاني، لكن الكلام ده لازم يتقال عن برشلونة ووضعها وتجربة تشافي ما بين السطور، بدون نقص كلمة، فحضّر قهوتك وتعالى إقرأ، لأن الموضوع مهم جدا.
ثريد عن مدرب برشلونة الجديد.. https://t.co/GUDt6kJA8t
في الحقيقة أنا مش هبدأ بإيجابيات تشافي، بل العكس، هبدأ بالسلبية الأكبر في تشافي وهخوّف الناس قبل ما أطمئنهم، وهي إنه عديم الخبرة مش بس قليل الخبرة، وإن تجربة السد كنتائج لا تعبر عن أي شيء في مصلحته سواء بالإيجاب أو السلب،
وإن الطريق لتجربة جوارديولا من جديد هو شيء مش منطقي إنه يحصل، بل إن المنطقي إن تجربة جوارديولا أصلًا تفشل، والمنطقي إن طالما تجربة مش منطقية بكامل ظروفها ومعاييرها إنها تنجح إنها تتكرر من جديد؛ https://t.co/3XhHntAsoR
مدرب صاحب CV لا يصلح لتدريب فريق وسط جدول نجح وبنى أفضل فريق شوفته في حياتي، بل وفي فريق كبير كمان، أكبر من CV تشافي نفسه كمان وظروف برشلونة وقتها أفضل من برشلونة حاليًا، كل دي معايير تجربة إحتمالية فشل أي تجربة بتعيد منهجيتها أكبر بكتير من نجاحها. https://t.co/5y5iYK4iXS
كل ده تمام؟ أظن إنه أصلًا معروف للكل، ولكن! هل العالم حاليًا بيخضع لكل المعايير المنطقية من الأساس؟ مش بقول هل بيخضع للمعابير غير المنطقية لأن فرض سؤال زي ده مش صح، لكن بشكل أوضح، هل العالم حاليًا بيخضع لمعايير ثابتة لو عملتها هتنجح ولو قررت تعمل عكسها هتفشل؟
