انا كزول من عمري 13 سنة جربت سفر الصحراء دا وابواتي من شمال دارفور زمان بسافروا مسير 30 يوم بي ابل عشان يبيعوا في سوق الكفرا دي معلومات ممكن تساعد في عبور الصحراء بأمان:

1-صاحب عربية ما عنده كمبرسون وبقدر يفور اللستك ويصلحو ما تركب معاهو

2-صاحب عربية ما بتعرف اهلو و كيف تحاسبوا

ما تركب معاه لانو في الصحراء حرفيا اي كائن بتحول فجاة لانسان غير ادمي وأقل صعوبة تواجهه وهو ضامن الافلات من العقاب ببيعك وبتركك للعطش

3-بتاع عربية ما عندو خبرة في المكنكة ما تسافر معاهو

4-بتاع عربية ما عندو تلفون ثريا بشتغل بالاقمار الصناعية ونظام الملاحةgps ما تسافر معاهو

5-بتاع عربية ما بشيل برميل موية وباغات جاز ما تسافر معاهو +انت كمان جهز لنفسك باغة مخيشة 5لتر لنفسك

6-عربية ما دنقرت تحت وكشفت الشاسي وعمود النص ومساميرها نضيفة ما تسافر معاهو

7-بتاع عربية ما شايل معاهو لستق اسبير + امبومبتين او رقعة لستك في حالةانو لساتقة تيوبليس ما تسافر معاو

8-مافي طريقه ربط بتثبت الزول احسن من انك طربت العفش و الشنط والبطانيات بفوق منها للجلوس والركاب بالفي الأطراف من الجانبين يتمسكوا بالحبال المربوطة بيها العفش لانها ما بتقل عن 6 حبال جايه بالعرض +النسوان والاطفال يكونوا في المنتصف والرجال و البنات الشابات ممكن يكونوا بالاطراف

ارجلهم خارج العربة وظهرهم للنساء والاطفال الفي النص لانهم هم العليهم بالتشبث بالحبال طول الطريق وح تلقى نفسك بعد اول ساعتين من الرحلة عرف تتعود على متين تتشبث ومتين ترخي الحبل .

9-شيل معاك ذواده بلح و فول مدمس و دقيق للعصيدة لانو في حالة حدوث اي خلل يتطلب توقف لزمن طويل