نداء لكل عشاق القهوة? لازم تشكرو الفطريات والبكتيريا، لأنو بدونهم ما كان قدرتو تشربو القهوة?? ياترى كيييف؟
الثريد ده راح يقلكم كيف?
انا صراحة اشرب القهوة بس عشان افوق يعني ما احبها ابدا، بس تعطيني طاقة. اما وقت المزاج اشرب شاي او عصير اناناس واحيانا كوكاكولا? https://t.co/dzqKpYPGJG
الموضوع شوية غريب وما اعتقد احد حطو في بالو قبل كدا او فكر فيه. استهلاك القهوة جدا عالي وخاصة فئة الشباب في الوقت الحالي. لكن لكن لكن، هل فكرتو يوم من الايام، مين المسؤول عن جودة وطعم البن (القهوة) وصحة النبات اللي بتنتج البن؟ ? خلينا نشوف...
دراسات كتيرة اثبتت انه شرب القهوة جدا مفيد. من فوائد شربها:
- تقليل نسبة الدهون الضارة في الجسم
- تقليل الالتهابات في الجسم الناتجة عن السمنة
- حماية الدماغ و وظائف العقل في كبر الين
- حماية الشرايين عن طريق منع ترسبات الكالسيوم اللي ممكن تساعد في تكوين الجلطة
- حماية الكبد
- الحفاظ على مستوى السكر في الدم
وغير كدا، كتير دراسات اثبتت انو الناس اللي تشرب قهوة يوميا، عندهم البكتيريا النافعة في الجهاز الهضمي اكتر من البكتيريا الضارة. وهدا الشي زي ما قلت قبل كدا، مهم في هضم الاكل و محاربة الميكروبات الضارة.
طيب، هل كل الفوائد دي حقت القهوة مرتبطة بجودة القهوة؟
طبعا الجواب: نعم. كل ما كانت جودة القهوة اعلى، كل ما كانت فوائدها اكثر. يعني لحد يشتري قهوة رخيصة ويقول والله مفيدة?، طبعا الفوائد اللي فيها تكون اقل بكتير وحتى الطعم راح يفرق اكيد.
