بمناسبة الصورة دي.. أنا جالي كورونا من ٦ شهور ودخلت ال icu فضلت محجوز ١٦ يوم وبسبب التعب دا اتصرف عليا ما يقرب من ٣٠ ل٤٠ ألف جنيه عشان أخدت حقنتين أكتيمرا الحقنة الواحدة ب١٠ ألاف، وفضل ربنا إني كنت في الجيش لو كنت في أي مكان تاني مكنتش هعرف أتعالج كدا،، إنت حر في نفسك.. (١) https://t.co/AiJqPNRdJu

انت حر في نفسك لو المرض دا هيصيبك لوحدك، بس في ناس تانيه هتتصاب بسببك ومش هيكون معاها فلوس تتعالج، الخدمة الطبية غالية ومش كل الناس ليها تأمين صحي، لازم الحكومة تاخد موقف حاسم، العالم كله لسه عامل red list ودول قافله الطيران وإحنا عايشين كإن مفيش كورونا، كإنها مش بتيجي تاني (٢)..

أنا متأسف جداً على حالة اللاوعي الي وصلنا ليها، وحالة التجاهل والإنكار العام، أنا شفت شاب ٢٦ سنه كان نفسه ياخد نفسه مش عارف وقبل ما يتحط على جهاز التنفس الصناعي داخل في panic attack وقام يجري في العناية يحاول ياخد نفسه ومات للأسف، شفت واحدة ٣٠ سنه دخلت في encephalitis بسبب ..(٣)

بسبب الكورونا، ولما فاقت لقينها ناسية أخر سنتين من حياتها، أيوا والله الفيروس ضرب مركز الذاكرة عندها، وشفت راجل أربعيني رياضي جداً جاي بارتفاع حرارة فقط ومات بعد ١٠ أيام بسبب التدهور السريع في أعراضه.. (٤)

شفت أهوال لو فضلت أحكي عن ال variations الي شفتها مش هخلص، سنة كاملة مكنتش بشوف حالات غير كورونا ومفيش حالة عرفنا نتوقع ال prognosis بتاعها، تلاقي راجل كبير جدا ويعدي بسهولة وشاب صغير ونشيط جدا يموت بسرعة، إحترموا المرض والوباء الي إحنا فيه وحافظوا على نفسكم وأهاليكم وشكراً (٥).