يا صباح الخير ?

بقي لي كام يوم عايزه أكتب عن تجربتي في تدريب كلابي مع @CAbdullah90 ومع زحمة الشغل اليوم كان بيخلص من غير ما ألحق أكتب حاجه واديها حقها زي ما أنا حابه.

قبل ما ادخل في تفاصيل عايزه اقول انها تجربه فاقت توقعاتي بالنسبة لكلابي اللي هما مش صغيرين في السن ?

بقي لنا فترة نقول هنبتدي ومكانش الظروف بتسمح وخلال الوقت ده كانت ساعات اسأله علي حاجات تخص سلوكهم والحقيقة كان دايما لطيف جدا وبيرد عليا حتي وهو مكسر وعامل عملية.

@CAbdullah90 مش مدرب شاطر وخلاص عبد الله بيحب الكلاب أوي.

وده بالنسبه لحد بيربي كلاب حاجه مطمئنه أوي.

قلنا مابدهاش بقي وابتدينا في نص يوليو تقريبا ?

جالي يوم عمل تقييم كده للمجانين اللي عندي وقعد يسألني عن يومهم ويومي وعلاقتهم بكل اللي في البيت وتصرفاتهم عشان يعرف تفاصيل أكتر.

اتفقنا ان الحالة مش صعبة يا دكتور ? وان هما محتاجين شوية حاجات كده عشان يبقوا أسعد

جزء من برنامج تدريبهم (وتدريبي انا كمان ?)

كان انهم يروحوا يقعدوا عنده أسبوع لعدة أسباب:

• كلابي محتاجين وزنهم ينزل وبالتالي محتاجين يمشوا كتير وده مع ظروف شغلي الحالي صعب.
• محتاجين يبقوا اجتماعيين أكتر ويقابلوا بني آدمين غيري وكلاب ومابقاش أنا وبعدين الأكل مصدر السعادة.

طبعا أول ما @CAbdullah90 قال لي هاخد الكلاب عندي أسبوع أنا كأي أم مصرية أصيلة جت في دماغي كل الأفكار: هيعاملهم كويس؟ يخسسهم آه لكن افرض جوعهم ?

طب هيكهرب العيال؟ ?? هيعذبهم مثلا؟ ??

طب هعيش من غيرهم ازاي؟ كان العيال طالعين رحلة الغردقه اول مرة ??