قررت اعمل ثريد اتكلم فيه عن اللغة الصينية وقد ايه جميلة ومبهرة وبحبها

الكلمة دي يعني "سجن" هتلاقيها عبارة عن تلات اجزاء، الجزء اللي ف النص اللي شبه حرف ال i ده بيعبر عن "الكلام" واليمين والشمال دول الاتنين يعني كلب/ حيوان مفترس، فا كلمة سجن هي "كلام مسجون بين كلبين" https://t.co/orvyV5aSg2

الرمز ده "采” معناه "يقطف" هتلاقيه عبارة عن الجزء ده ⺤ اللي هو ايد و 木 اللي هي شجرة فا ايد فوق الشجرة بقت يقطف https://t.co/vBATYyM7Eu

رموز زي

一

二

三

十

口

كلها تقريبا مش جديدة على حد الخط الواحد يعني رقم واحد الخطين يعني رقم اتنين تلات خطوط رقم تلاتة، شكل الصليب رقم عشرة، المربع يعني فم/ مدخل مكان

الصيني لغة "كتابة تصويرية" يعني الرموز دي عبارة عن معاني و افكار مش اصوات زي اللغات التانية، بمعنى انك ممكن تستنج معنى رمز حتى لو مش عارف تقراه عكس الانجليزي مثلا ممكن تقرا بس مش ضروري تعرف المعنى