الحقيقة خلال ١٨ سنة في مجال الملابس الجاهزة (متوسطي ومحدودي الدخل)،
عندي معرفة يقينية ان ما لا يقل عن ٩٠ % من دورة التشغيل بالكامل(الغزول المستوردة/كيماويات المصابغ/خيوط الحياكة/ الاكسسوار قطع الغيار ...الخ)يعني حرفيا كل مراحل الانتاج بتعتمد على البيع بأئتمان مش اقل من ٩٠ يوم،
اساسها التسهيلات الي بيحصل عليها المستوردين من الموردين في (الهند والصين) في الغزل .
وبعض الاستثنائات ممكن توصل لاكتر من ١٨٠ يوم (شركة رينج واي لخيوط الاسبن مثلا)،
وبالتالي المستورد المصري بيريح تاجر النسيج والاخير بيقدر يشغل مصنعه بشكل شبه دائم والتكلفة تقل وكمان يدي ائتمان
لمصنع الجاهز يقدر يجيب بيه خامات اكتر من سيولته وبالتالي يشغل مصنعه لفترة اكبر (وده تحديدا بتظعر اهميته في فترات نقل المواسم ما بين الصيفي والشتوي)بيكون فيها ركود ولو مفيش (نفس/بيع آجل) في كل المراحل الي يحصل بمنتهى البساطة كل واحد حيشتغل شهرين تلاتة في السنة كلها وشكرا كده.
الحقيقة مش قادر اشوف اي جوانب ايجايبة في القرار بأي شكل من الاشكال
