1. شايف الدولة اللي مكتوب عليه رقم 1 دي؟ هي دي بلدك. عاجباك أو مش عاجباك تقدر تصلح فيها زي ما انت عايز. بس دي الرقعة الجغرافية اللي العالم بينسبك ليها. لو هي كويسة أحوالك هتتحسن، لو وحشة أحوالك هتسوء. https://t.co/hQDYAYstcx

2. البلد اللي مكتوب عليها 2 دي بلد اسمها تركيا. بتوازي بلدك من الناحية التانية من البحر المتوسط. البلد دي حكمها ناس مختلفة عبر العصور. من أيام الحيثيين، فالإغريق والبيزنطيين (الروم)، وصولا إلى الروم المسلمين الحاليين. https://t.co/OgQrmy8KHE

3. في كل العصور دي، البلد دي كانت منافسة لبلدك. تقدر تبص على الخريطة تعرف ليه. بلدك هي الحد الجنوبي للبحر المتوسط وصولا للشرق الأوسط (مهد الحضارات). والبلد نمرة اتنين هي الحد الشمالي للبحر المتوسط وصولا إلى الشرق الأوسط.

المنطقة اللي بينهم، يا إما مياه البحر...

4. يا إما المنطقة الساحلية اللي بتضم حاليا سوريا ولبنان وإسرائيل والأراضي الفلسطينية والأردن.

قبل ما العالم يتقدم في البحرية. كان لمصر اليد العليا أو على الأقل قادرة تحفظ مناطق نفوذها في الساحل الشرقي. مصر عمرها ما كانت إمبراطورية. دا كلام مبالغ فيه. لكن كان ليها مناطق نفوذ.

5. تروح تحارب تضمن مصالحها، وترجع تاني. المصري كان بيعتبر الموت خارج بلاده نفي من الخلود. لأن أرض بلاده هي الأبدية اللي هيخلد فيها. فمكانش بيعمل مستعمرات استيطانية يروح يعيش فيها. لما العالم اتقدم في البحرية مصر مالحقتش التقدم ده. وصار لحاكم بيزنطة (شرق تركيا الحالية) اليد العليا