قاعدة أشوف هالفترة نصايح للمستجدين وحسيت الله ودي أنا بعد أكتب تجربتي تبون؟

•الصلاة

حافظي على صلواتج بوقتها، أذن الظهر؟ وعندج بريك؟ روحي صلي لا تلتهين بالبريك

لاحقة على القهوة والوناسة أول شي صلي عشان ما تنسين وبعدها سوي اللي تبين

خلّص دوامج متأخر وقرّب المغرب يدخل عليج؟

صلي العصر بالجامعة وبعدها اطلعي، حتى لو المغرب باقي له واجد

صلي بالجامعة وبعدها ردي البيت، نفس الشي مع صلاة الظهر إذا يخلص دوامج الظهر واذن الظهر وفي وقت تصلينها بالبيت؟ صليها بالجامعة وبعدها ردي البيت، ما تدرين شنو ممكن يصير لج بالطريق والصلاة دين عليج لازم تصلينها

•التنويت

إذا عندج ايباد حملي النوتة بالبرنامج اللي بتنوتين فيه وإذا ما عندج ايباد اطبعي النوتة وجهزيها؛ وأنصح بالايباد كونه يسهل ويوفر إذا عندج القدرة المادية إنج تقتطعين من إعانتج/مكافئتج عشان تجمعين للايباد سواء تجمعين بروحج أو تاخذينه إقساط فهذا قرار ناجح وأدعمج فيه

•طريقة الدراسة

اهتمي بدراستج؛ استأذني من دكتورج أول شي لابراء الذمة إذا عادي تسجلين المحاضرات وإذا وافق سجليها واكتبي كل الملاحظات اللي يقولها ونوتي كل تفصيل دقيق، لما تردين البيت ارجعي اسمعي التسجيل لا تراكمين التسجيلات، اقري اللي خذيتوه بيكون حيل أسهل من لما تراكمينه