1-

[ثريد]

بقالي كام يوم بقرأ عن أسباب إنتشار كورونا في الدول الأكثر إصابة.

اللي حابب، هشارك معاكوا شوية حاجات عرفتها وإستفدت منها بشكل شخصي.

أولًا: الروح المعنوية العالية والنكت و الميمز اللي إحنا مغرقين الدنيا بيها دي حاجة عظيمة جداً، عظيمة في الوقاية والتوعية.

2-

ثانياً: العلاج الوحيد والفعال لحد دلوقتي في الكوكب كله هو البقاء بالبيت.

ثالثاً: التطرف في رد الفعل على المرض هو سبب كل الكوارث. التطرف .. سواء بالهلع أو بالإستهتار.

و هتوقف شوية عند الهلع و الإستهتار.

3-

الهلع:

• الهلع في تخزين الأكل:

لو المصانع توقفت عن الإنتاج، مخزون الأكل هيكفي الكوكب من 8 ل 12 شهر. والمصانع مش ممكن تتوقف، وبالتالي المخزون مش ممكن يخلص، يعني لو خزنت أكل تبقى عبيط. أيوة عبيط.

4-

• الهلع في تخزين المُعقمات:

لو حضرتك بقيت المُعقم الوحيد في محيطك، محيطتك هياخد عدوى ويجيبهالك. يعني مهم تبقى إنت وكل محيطك معقمين، يعني خد إحتياجك من المعقمات وسيب لغيرك.

• الهلع في تخزين أدوية:

لو الدواء اللي إنت خزنته بيعالج كورونا كانت الحكومات إحتكرته يا عبيط. يا عبيط!

5-

• الهلع في الأعراض:

و ده أخطر أنواع الهلع.

لو كل واحد صحي لقى زوره مغشلق قام يجري على التحاليل والمستشفيات، هنعمل إنهاك للمنظومة الصحية.

وبالتالي هتقل كفاءة المنظومة في علاج الحالات الحقيقية. وبالتالي حالات الكورونا هتزيد، ولما الحالات تزيد هيزيد معاها إحتمال إنها تجيلك.