راجل بشعر ابيض منكوش ودقن في أغلب الوقت مش محلوقة وتريننج سوت وكوتشي ولابس ساعة سايكو رقمية، ومش بعيد لو دورت في شنطته تلاقي راديو ترانزيستور وكولونيا خمس خمسات ومحفظة لاكوست فيها شوية صور قديمة وكارت المعاش

... https://t.co/cjvS7s7dWL

يبانلك راجل روتيني من اللي بتقابلهم ع القهوة الصبح قدامه بقسماط وشاى بلبن، أو واقف وراك في طابور العيش ومعاه شنطه شبك

عامل زى الراجل الطيب إللي ممكن تشوفه في فيلم عن قاتل متسلسل الكل بيدور عليه وهو بيدور معاهم بنفسه والكل بيحبه ويحترمه ويقدره وفي آخر الفيلم يطلع هو نفسه القاتل https://t.co/VZeu3QThGt

وحش رياضي كاسر متنكر في صورة راجل كبارة ع المعاش

غير كتير في الأهلي في شهور بسيطة

حول القايمة اللي كان الكل بيشتكي منها لقايمة مكتملة اعتماداً على نفس العناصر السابقة

استفاد كتير من لاعبين كانوا مش بس مهملين، لا وغير مرغوب فيهم زى محمد هاني و تاو و الشحات https://t.co/QPovVO3gpA

لعب كورة حلوة أحياناً وميكافيلية أحياناً وحقق اللي هو عاوزه

حقق كل البطولات اللي خاضها ووسط كل ده مسمعناش عن مشكلة ليه مع لاعب واحد

وسط ما هو بيعمل كل ده بيعامل خصومه ومنافسيه والصحفيين باحترام ولطف وبيرد على الجميع بهدوء خارج الملعب، لكن داخل الملعب بيعاملهم بقسوة مبالغ فيها https://t.co/a5TnAqwX56

كولر على موعد لتحقيق رقم تاريخي لا اعتقد انه اتحقق في تاريخ الأهلي انه يفوز بـ كل البطولات اللي خاضها في اول مواسمة سواء كاس أو سوبر مرتين أو دوري أبطال أو دوري مصري وكل ده في أقل من سنة

شكراً مجلس ادارة الاهلي لتعاقدهم مع القبطان مارسيل كولر ❤ https://t.co/Aw2rCeTljs