حابه أشارك العالم بقصتي اللي ماعمري حلمت انها تحصل لي بثريد تحفيزي، انقلبت حياتي١٨٠درجة!!
كنت يائسةمن حياتي وصرت "أسعد نساء العالم"❤️
تزوجت? بوزن١٣٠كيلو ومن شخص رياضي بعد متخيلين؟!!
بحبه وتشجيعه لي حاليا بادخل السبعينات?
كثير قالوا قصتكم (ماشاء الله) أقرب للقصص الخيالية?❤️
عالسريع بأحكي لكم عن معاناتي (وبعدها الجزء الحلو)❤️
وأنا صغيرة كانت فيه محاولات من أهلي معي لكن كانت صارمه وقوية بالنسبة لطفلة عمرها ٩ سنوات، هم حرصوا على مصلحتي لكن بطريقة خطأ.
استمرت زيادة وزني وكان فيه تنمر فضيع من الأقارب يحبط بشكل رهيب
(الواحد يستظرف بلحظه ويبقى الألم دهر)!!
وفي المرحلة الجامعية بدأت أدور حلول بنفسي وقتها أهلي منشغلين بهالدنيا وأخواني واخواتي فمحد فاضي لي وجلست أحاول وأفشل أحاول وأفشل ❌
(من راسي ولا فيه أي دعم أو معلومات)
وتجي هالتعليقات المحبطة وأيأس ،وعلى هالحالة والنفسية ماااااااا أحكي لكم ???
تزوجوا أخواتي اللي أصغر مني وكنت فرحانه لهم من قلبي وأدعي لهم، وتجيني نوعيات مريضة من الحريم بنظرات مواساه ماعليه الدور بيجيك!! والا تقول لاتزعلين الزواج قسمة ونصيب، واللي قوية وجه تسأل وش شعورك؟ أختك اللي أصغر منك تزوجت وجابت ولد وانتى باقي!!!!
ايوا فيه هالناس بيننا للأسف..!??
انتهيت من المرحلة الجامعية وتوظفت معلمة واشغلت نفسي بالتدريس وتعلقت فيه، صار معي راتبي وزادت الفرص عندي(أقدر أشتري بعض الأدوات الرياضيةوأوفر لي الأكل الصحي متى مابغيت)
صح بعد ايش اطلع لكن بالنهاية كنت أوفر اللي أبيه وأكافئ نفسي بنفسي??
كنت أجيب جهاز رياضي أوسناك صحي مكافأة❤️❤️??
