خلينا نتكلم شوية عن مفهوم العقاب (الثريد طويل اعذروني)

انواع العقاب :

زي ما اتفقنا العقاب لازم يقلل السلوك

وهو نوعين

العقاب الايجابي: وده معناها اضافة شئ للموقف تقلل السلوك

١- reprimand وده بطريقة لفظية زي مثلاً .... احمد متحطتش ايديك في الكهرباء وده دايماً بنستخدمه

٢- contingent exercise لو عمل حاجة نخليه يعمل نشاط بدني زي الجيش مثلاً لما العسكري يعمل حاجة الضابط يخليه يعمل ٣٠ مره ضغط ... بالنسبة للاطفال احنا ممكن نمسك ايديه ونلف بيه الاوضه مثلاً ١٠ مرات او ٢٠ مره

٣- overcorrection ودي نوعين restitutional وبتحصل لما الطفل مثلاً يرمي لعبه من الترابيزة او يبوظ الحيطة هنا بنخليه يصلح اللى عمله وكمان يرجع المكان احسن من الاول ... يعني مثلاً يلم لعبه ويوضب اوضته او ينضف الحيطة كلها مش بس المكان اللى أتلفه

والنوع التاني منها اسمه positive practice ودي مثلاً لما يخبط الباب نخليه يقوم ويفتح الباب ويقفله تاني كويس ١٠ او ١٥ مره

٤- ده نوع مش بنستخدمه الا بعد موافقة ومع السلوكيات المضرة بالجسم واسمه contingent electric stimulation ومن اسمه باين ان فيه استخدام شحنه كهربائية

٥- نفس فكره رقم ٤ لا يستخدم الا تحت موافقة واصلا ممنوع نهائيا في بعض الاماكن اسمه presentation of other aversive stimuli في النوع ده احنا ممكن نرش مياه على وش الطفل او نحطله ليمون او نشممه امونيا او نسمعه صوت عالى او نحط ادامه شاشة تمنعه من الرؤيه لمده ٢٠-٣٠ ثانيه