الراجل ده أتعرض لهجوم شديد عشان برنامج الاصلاح #الإقتصادى اللى عمله ومكنش قدامه غير كده، ودلوقتى عرفنا نتيجة ده إيه فى الأزمة اللى بنمر بيها حاليا، وشوفنا لما زاد الاحتياطى واحتجناه حاليا وسحبنا منه ٥ مليار دولار، ووفرنا ١٠٠ مليار جنيه لمواجهة أزمة #كورونا

يتبع?? https://t.co/SUHnmwJVmB

ولولا ده كان فاتنا بنشحت حرفيا حاليا وبنطلب مساعدات

الراجل ده اللى عمل صوب زراعية ومزارع سمكية وعمل إستصلاح لمليون ونص فدان عشان نزود المعروض من المنتجات فى السوق ونسيطر على الأسعار وكمان نصدر ونرجع دولة زراعية ونعوض اللى تم فقده من أراضى زراعية نتيجة تبويرها السنين الماضية?

الراجل ده اللى عمل ألاف المشاريع واللى شغلت عمالة كتير باليومية، وأستوعبت العمال اللى رجعت من ليبيا، ودلوقتى بمجرد ما وقفت بعض المشاريع شوفنا العمال دى رجعت تانى للشارع ومحتاجه مساعده وعرفنا كان بيعمل كل المشاريع دى ليه عشان تشغل كل الناس دى.. ?

الراجل ده اللى عمل منحه ٥٠٠ جنيه لمدة ٣ شهور للعمالة المتضررة من الأزمة، جايز ده مش مبلغ كبير بس اللى قدر يوفره وفق امكانيات الدولة.

الراجل ده اللى طور الجيش وعمل فيه نقله نوعيه وشوفنا أستعدادات الجيش لمساعدة الدولة فى مواجهة هذا الفيروس وشوفنا كل الاحتياطات اللى الدولة عملاها?

وزى ما فى احتياطى لوزارة الصحة فى احتياطى فى الجيش واحتياطى ثالث كمان على جمب لا يمس اللى اذا احتجناه..

الراجل ده اللى طور الشرطة ورجع لها ثقتها تانى فى نفسها وشوفناها وهى بتطبق حظر التجوال لوحدها بدون مساعدة من القوات المسلحة.?