1️⃣
هاذي اول مره اتكلم عن هالتجربه لكم ، قبل ثلاث سنوات ولله الحمد تبرعت بالكبد لطفله ما اعرفها وكان عمرها وقتها 7 شهور ، كانت بين الحياة والموت ، كان يا اما يجي احد يتبرع لها بالكبد او بتكون تحت التراب ، لكن من بعد فضل الله سبحانه ربي ارسلني لها ، طبعا بتقولون ليش قلت لنا يا عادل https://t.co/JCdjBFpTNN
2️⃣
بقول لكم شي ما احد يعرفه ، طبعا وقت ما كنت بتبرع سويت الف اشعه وتحليل لين تأكدوا اني سليم ..
ولكن الصدمه كانت ليلة عمليتي ، طلبوا مني المستشفى كإجراء اعتيادي اشعه اخيره ليلة العمليه ، وكانت المفاجئه والصدمه ان اكتشفوا ليلة العمليه بوجود سرطان بكبدي زي ماهو مبين لكم بالصوره!!! https://t.co/3LTEL7Nddw
3️⃣
والله وقتها انصدمت وانهبلت وشلون كذا ، لي 6 شهور افحص واموري تمام وليلة العمليه بالاشعه الاخيره يحصلون الورم وكان على بدايته !!
ما انسى كلام البروفيسور الي سوا لي العمليه وقال :
عادل بنسوي لك العمليه وبناخذ عينه من الكبد وبنرسلها للمختبر واذا طلع حميد استئصلناه ونعطي البنت
4️⃣
واذا مو حميد وصار خبيث بتبدأ بعلاج اخر للورم !
قسم بالله ما انسى كلامه ابداً وكان الخوف ماكلني اكل !
شعور اني رايح اتبرع وفجأه سبحان الله ليلة العملية يكتشفون هالشي وكيف ان ربي ارسلني عشان اكتشف هالشي من بدايته قبل يكبر
والحمدلله تمت العمليه وطلع ورم حميد وتم استئصاله وقتها ! https://t.co/JNt0b8zaUv
5️⃣
و نشرت تغريده بعد عمليتي بحسابي الشخصي واخذت تفاعل كبير ، و والله يا جماعه ما كان هدفي رياء او هياط او شوفوني وش سويت ، كان هدفي اني انشر ثقافة التبرع ، وفعلاً ولله الحمد بعد ما نشرت التغريده تبرعوا اكثر من 20 شخص عن طريقي ، شعور انك تنقذ شخص من الموت ما يوصف ابد
