البعض يتسائل وش الفكرة اللي جالس تشتغل عليها.. خلوني اشرح لكم:?

2016

و أنا جالس بالاسترحة تضايقت من الوضع.. العيال على جوالاتهم دايم.. ما يجمعنا إلا البلوت.. والبلوت وصلنا مرحلة اننا نفهم كل واحد وش بيلعب.. طفشنا من البلوت.. وجلست أفكر وش فيه خيارات قدامنا عشان العيال يتركون جوالاتهم?..

جتني فكرة✨: إني أجيب العاب ثانية ونلعبها.. وفعلاً جبت العاب ثانيه وقمنا نلعب.. أسبوع وطفشنا ورجعنا على حالنا.. السبب: أن الالعاب تستهدف فئة من 7 الى 15 سنة واللي بعمرنا ماتناسبهم هالالعاب❌

25 - 5 - 2017

تخرجت من الجامعة تخصص(خدمة اجتماعية).. وجتني فكرة ليش ما أفتح متجر إلكتروني وابيع العاب خاصة بالشباب والشابات وبنفس الوقت اصمم العاب تنافس لعبة البلوت و تستهدف فئة: من 15 سنة الى 30 سنة.

عجبتني الفكرة.. وبحثت ماحصلت احد مسوي الفكرة بالسعودية فدورت على اسم للمتجر وكلمت مصمم عشان يصمم لي شعار المتجر .. وصممه لي بسعر مناسب و جودة عالية جداً.. @altukhizm https://t.co/yKcz9eO6RO