#من_تجربتي

اذا حابي تزرع وقررت تأجر أرض وامكانياتك محدودة

☘فتش في المكان القريب من مكان سكنك وبتقدر توصل ليهو بصورة اسرع

☘لازم تدرس محصولك تمام ومحتاج لياتو نوع من التربة من ناحية الملوحة والph ونوع التربة نفسها

☘اختار أرض يكون فيها بئر خاص ودا زاتو بيحدد سعر الايجار https://t.co/W9YtKfo79l

الارض المافيها بئر خاص بيها حتخليك رهن الاخرين في الري حتى لو كان مشروع زراعي حكومي ((حاليا ))الالية بتاعة الري ما ثابتة وممكن عادي جدا يموت محصولك

☘اختار ارض تكون مسطحة كدة حتقلل تكاليف تجهيز الارض

☘شيل عينة من الماء والتربة وافحصها واعرف النتيجة وقارنها مع محصولك

☘الايجارات بتختلف حسب المنطقة وحسب الارض وبعدها وقربها من النيل ومن الطرق المسفلتة وبتتأجر بالسنة غالبا والايجارات ما غالية من ١٠٠٠ جنيه _ ٥٠٠٠ جنيه للفدان لغاية تحديث تاريخ اليوم وممكن تزيد وتنقص برضو بس انت لازم تعرف انو الارض فيها شنو

☘حتحتاج لغرفة او راكوبة للحارس ودا

برضو بيزيد وينقص من سعر الايجار حسب الموجودات في الارض وفي عوامل تانية زي الكهرباء موصلة او مولد وطبعا دا صرف جاز?وخلو بالكم من وقفة صف الجاز ??

☘الاراضي القريبة من البحر بتحتاج تعلية (ترس) في حالة الفيضان ودا محتاج مساحة كمان من ارضك الحتأجرها فلازم تكون في حساباتك

☘جبل اولياء وبحري وشرق النيل والخرطوم وام درمان كل منطقة عندها مميزاتها وعندها عيوبها انت ما تشاور كتير قيس على احتياجاتك والبيفيدك شنو لأنو ممكن واحد يقول ليك بس شرق النيل حسب تجربتو وواحد تاني يقول ليك ام درمان قيس احتياجاتك انت شنو واقرأ اكتر