اسمحولي احكيلكم قصه انا بطلها ودكتور شاطر و رائع و اخلاقه جميله ما حصلتش
من سنتين كنت لوحدي و ولادي ومراتي مسافرين مصر في الصيف
وحسيت بتعب و قلت بكره اتحسن وماتحسنتش ومن عادي مابقولش لحد اني تعبان بفضل مع نفسي المهم بعد يومين رحت لدكتور يعتبر من الاسامي الكبيره
واداني ادويه امشي عليها اسبوع واراجعه و تمام اخدت العلاج وتعبي بيزيد مش بيقل فضلت اخد الدوا لحد رابع يوم ما استحملتش فرحت لدكتور تاني المهم كتب ادويه فيها من اللي اخدتهم دوايين
بعد 3 ايام التعب زي ماهو المهم كتبت علي تويتر عاوز دكتور ضروري يكلمني
ففيه واحد كلمني بعتلي تويته
ودخلتله دي ام وشرحتله حالتي واحساساتي قالي ادويتك ايه قلتله قالي طيب حنوقف كله ودوا منهم حناخده مع دوا تاني وياريت تحليل كذا وكذا يتعملوا بكره وتبلغني
كبرت دماغي وقلت في اخر الدنيا وبيغير الادويه طنشت
تاني يوم انا تعبان اكتر فوجئت انه بيتطمن عليا وفاكر حالتي وبيسألني فين التحاليل
بصراحة اتكسفت وقلتله عملتها بس حجيب النتايج بكره طبعا كداب لاني ماعملتش
المهم اتكسفت من نفسي وعملت التحاليل واخدت الادويه اللي قالي عليها ولغيت كل الادويه تاني يوم اتحسنت وبليل بعتله التحاليل وقالي زي ما احنا علي نفس الادويه وكلها يومين وتبقي تمام
تالت يوم انا تقريبا خفيت تماما
المهم رابع يوم بقيت زي الفل وتواصلت معاه وشكرته بس هو كل يوم كان بيتطمن عليا
عدي شهور وابني جاله كورونا فقلتله فبعتلي لستة ادويه بارشادات وقالي مايخدش غير كده ابني كان جاب ادويه وكبر دماغه وفضل تعبان ولما زعقتله رمي الادويه وجاب اللي قلتله عليه رابع يوم خف ومرت فتره و مراتي
