الاشخاص اللي طول الوقت حاسين بفجوه عميقه جواهم مش عارفين هما محتاجين ايه عشان يملو هذه الفجوه
فتلاقيهم بيملوها بتضييع الوقت امام الميديا /الأكل / الجنس / المخدرات
نفس الاشخاص هما برده اللي نشأوا في محيط واسره غير قادره على تكوين روابط عاطفيه وحميميه معاهم
الاهمال العاطفي كارثه
الطفل اللي بيكبر في بيئه مفيهاش عواطف
و تعبير عن الحب و المشاعر
بيكبر وعنده بقعه عمياء تغطي ابصاره لاحتياجاته العاطفيه
مش عارف هو دلوقتي حاسس ب ايه
ومش عارف يعبر عنه ولا عارف يتعامل معاه
ف نلاقي اللي بيهرب منه "بطرق مختلفه"
ونلاقي اللي بيكبته ويتحول لمرض نفسي او جسدي
والمفارقه هنا
ان كثير من هؤلاء الاشخاص تلاقيهم بيدّعوا القوه "ظاهريا"
لكن الشعور طاقه اذا ملقتش مخرج بتحتقن في الجسم وتعمل عقد في مجرى الطاقه في جسدك
اتعلم تقضي وقت شويه مع نفسك تفهم انت حاسس ب ايه وتسيب شعورك ياخد مجراه بدون كبت
اذا مشاعرك اترفضت زمان
اقبلها انت دلوقتي ☀️
شعور الخواء و الفجوه الداخليه دي
بتكون في الاصل نقص لشيء ما
في شيء المفروض يكون متوفر هيشعرك بالامتلاء لكن مش متوفر وانت حتى معندكش وعي ان ده الشيء الناقص اللي انت محتاج توفره
هي دي المشكله .. انك اساسا مش واعي ايه هو اللي ناقصك
ده اول سؤال لازم تسأله لنفسك
ايه هو الشيء ده ؟
كلنا عندنا احتياجات
النفس دايما محتاجه وغذاء النفس المشاعر
تأمل في حياتك كده وشوف ايه الشعور اللي انت محتاجه
شعور الفخر
شعور الفرحه
شعور المتعه
شعور الحميميه
شعور الانتماء
شعور القوه
شوف الشعور ده تقدر تحققه بانجاز مادي
ولا بعلاقه اجتماعيه او عاطفيه
او تحقيقه يلزم طريق روحاني
