كلب الست..

ف الستينيات وف أثناء مرور شخص يدعى إسماعيل من أمام منزل أم كلثوم قام كلب أم كلثوم وكان إسمه.. فوكس.. بالهجوم ع إسماعيل

وإصابه إصابات بالغة ومزق له هدومه

راح إسماعيل قسم الشرطة وقدم بلاغ ضد أم كلثوم ولكن النيابة العامة حفظت شكوي إسماعيل ضد أم كلثوم.. https://t.co/b2BGLNHb9p

بعد حفظ الشكوى انتشر خبر الحادثة ف كل الصحف فقرأ أحمد فؤاد نجم خبر الحادثة ف الصحف وراح زار إسماعيل المجني عليه واتفزع من كمية الإصابات إللي ف جسمه ومن الفقر الشديد إللي بيعاني منه إسماعيل وعائلته

فكتب أحمد فؤاد نجم قصيدة شهيرة بعنوان.. كلب الست

إللي هاجم فيها أم كلثوم

يقول نجم أنه كان صعب عليه أنه يكتب قصيدة يهاجم فيها أم كلثوم لأنه واحد من عشاقها لكنه مكنش ينفع أنه يسكت أو أنه ميكتبش عن الحادثة لأنه حسب كلامه هيكون بيتخلي عن مبادئه الدائمة ف الوقوف مع المظلومين ويقول نجم أنه مكنش يقصد أنه يهاجم أم كلثوم بقدر ما كان يقصد أنه يهاجم سلطة الست

يقول نجم ف القصيدة

ف الزمالك من سنين وف حما النيل القديم قصر من عصر اليمين

ملك واحدة من الحريم صيتها أكتر من الأدان يسمعوه المسلمين والتتر والتركمان

والهنود والمنبوذين

ست قافت ع الرجال ف المقام والاحترام صيت وشهره وتل مال يعني ف غاية التمام

قصره يعني هي كلمة ليها كلمه ف الحكومة

بس ربك لجل حكمه قام حرمها من الأمومة

والأمومة طبع ثابت جوه حوا من الزمان تعمل إيه الست جابت

فوكس رومي وله ودان

فوكس دا عقبال املتك عنده دستة خدامين يعني مش موجود ف عيلتك

شخص زيه يا اسماعين

وإسماعيل دا يبقى واحد إللي داخوا ف المعاهد والمدارس من سنين

حب يعمل واد فكاكة