هكتب لكم فوق التويتة دى منين الإعلام جاب فكرة الارفف الفاضية فى اوروبا و ان فى أزمة غذائية و اننا فى اوروبا مش لاقين ناكل و بنموت من الجوع لان معندناش تحيا بيلجيكا

١- خلينا متفقين ان اسعار المواد الغذائية ارتفعت فى العالم كامل بنسب متفاوتة و التأثير على المواطن كمان تأثير متفاوت https://t.co/H4trOjFAqe

فى بعض الدول دعمت المواطن و دول سايبة المواطن يلف حوالين نفسة زى البهيمة المغمية

مثلا فى بيلجيكا تم تقليل ضريبة المبيعات على فاتوره الكهرباء من ٢١% ل ٦% كنوع من المساعدة

طيب نرجع لموضوع المواد الغذائية

اغلب دول اوروبا عندها مستويات لأسعار المواد الغذائية

يعنى مثلا بيلجيكا

عندها حوالى ٧ اسماء سوبر ماركتس كل واحد منهم له مستوى معين كأسعار و دى راجعة للكوالتى و الخدمة و شكل العرض و الماركات المعروضة

يعنى كل واحد منهم بيبيع مثلا زبادى

لكن هتلاقى زبادى Aldi مثلا ب .٥٠ سنت و هتلاقى زبادى فى lidl ب .٨٠ و كلورايت .٩٠ كارفور ١.١٠ ديليس ب ٢ يورو و كلهم

زبادى خد على كدة كل المواد الغذائية

الازمة لما حصلت حصلت فى السوبرماركتس الرخيص الناس بدأت تهجم على الزيت و الدقيق لأسباب كثيرة

منها ان اغلب زباين السوبرماركتس دى الطبقة الفقيرة اللى خافت

و ان اغلبهم افتكر بدايات كورونا و عدم وضوح الصورة فى اول الحرب و مكنش حد عارف مين رايح

فين

و بالتالي إدارة السوبرماركتس بدأت تخاف على المخزون و فبدأت تقلل العرض و تشترط كمية معينة للشراء بعد ما شافوا الناس بتشترى بكميات كبيرة للتخزين

و اظن انهم عملوا الصح

من هنا الإعلام الخبيث فى مصر خد الصور و لعب عليها علشان يقول للناس احمدوا ربنا انكم تحت إدارة ربانية حكيمة