?ما ترجعوش تزعلوا .. ??
- لما عيالكم يسكروا على حالهم الغرفة بالساعات وميحبوش القعده معاكم بسبب الانتقاد والكلام اللي زي السم اللي بتوجهوه إلهم ..
- لما يكبروا و يكرهوا كلمة " إن شاء الله " والعياذ بالله لأن كُل وعد توعدوه تقولوا إن شاء الله و مايحصلش !?
- لما يكرهوا الصلاه و المذاكره ! لأن من أقل غلطه يغلطوها تسألوهم صليت النهارده ؟! ذاكرت ولا لاء ؟ كأن الصلاه والمذاكره عقاب ?
- لما يكرهوا النقاش معاكم لانكم بتقللوا من اراءهم سواء في السياسه او الحياه عامةً ?
- لما كل يوم قبل نومهم يعاتبوكم وهما في اوضهم في سرهم و قد إيه في فجوه بينكم بسبب قلة التفاهُم والاحتواء ?
- متزعلوش لما تلاقوا ابنكم أو بنتكم كاتبين علي الفيس " كل لما أتمناه حُضن يحتويني " لأنكم مجربتوش تحضنوهم حتي ولو بكلمه حلوه ?
- لما شخصياتهم تبقى ضعيفه وما يبقاش عندهم ثقه في نفسهم لأنكم ما بتعطوهم فرصه يعبروا عن اللي جواهم ودايمًا تستغبوهم?♀️
- لما يكرهوا الجواز بسبب المشاكل اللي مبتخلصش وبتولع على اتفه الاسباب?
-لما يفشلوا في الكليه اللي اخترتوهالهم بسبب تدخلكم في مستقبلهم و منعهم عن حلمهم المؤمنين بيهم!!?
-لما يكرهوا السفر معاكم في مصيف مثلاً. لأنكم بتتعصبو عليهم وممكن تقلبوا الفُسحه غَم!?
-لما يحبوا اكل المطاعم لأنكم بترفضوا تعملوا طرق جديده في نفس الاصناف الموجوده من اكل البيت!?
- لما عيالكم يكرهوا بعض لأنكم بتفرقوا في المعامله بينهم و تميزوا حد عن التاني .. وتتحاسبوا يوم القيامه بجريمة الظُلم !!☹?
