مع بداية ستينات القرن العشرين ومع ظهور Digital Computers بدأت تظهر الحاجة الماسه لتخزين البيانات data بشكل structured واسترجاعها والتعامل معاها.

وبدأ يطلع منتجات كتير بتقول انا نظام ادارة قواعد بيانات database management system وبقدر اعمل كذا وكذا ..

يتبع.. https://t.co/XhFUKyCu31

وبدأ يطلع انظمة معتمده على قواعد البيانات وبدأت تظهر مشاكل وحلول وتفاصيل كتير لقواعد البيانات، وعنها وطلع البروفيسور اندرياس رويتر (Andreas Reuter) وزميله ثيو هاردر (Theo Härder) سنة 1983 بورقة بحثية صاغوا فيها شوية مبادئ عايشه معانا ليومنا هذا .

قالك من هنا ورايح عشان نعتبر اي شئ بيقول على نفسه قاعدة بيانات transnational database لازم يحقق ACID، ودي الحروف الاولى لاربع خصائص بيضمنولك الامن والامان والسلامة والاطمئنان مهما حصل في قاعدة البيانات .

الاول Atomicity

ودي جاية من كلمة ذره، والذره زمان كانوا بيعتبروها اصغر شئ لا يمكن تقسيمه ومن هنا طلع المصطلح atomicity ، واللي بتعني هنا ان اي transaction لا يمكن بحال من الاحوال انها تتقسم يعني يا تتنفذ كلها committed يا متتنفذش خالص rollback وترجع البيانات زي ما كانت

الثاني Consistency

ودي معناها ان اي transaction لازم بعد ما تخلص تسيب البيانات متطابقه مع اي constraints مطبقة قبل ما تتنفذ، مينفعش مثلا تكون عامل unique constraint على column وتيجي تلاقي فيه قيمه متكرره بعد ما ال transaction تقول خلصت بنجاح,، الكلام ده غير مقبول.