طيب نبدا حديثنا الليلة

طيب انا استلمت الاكاونت ده عشان اشارك خبراتي المحدودة في تواصل المخاطر و التوعية، و اللي هو حاليا السلاح الوحيد عشان الحرب الجاية علينا دي، ما حنتكلم كتير عن عالم الفيروسات و لا علم الاوبئة لانو ما اولوية في الوقت الحالي، لكن حنرسخ مفاهيم اساسية حولينو

فيروس كورونا الجديد او (SARS-COV 2 ) هو فايروس حمض نووي (RNA) يتسبب في مرض كورونا او COVID-19

حنجي قدام في موضوع انو لي في البداية كان اسمو NCoV و اسي اتغير

لكن كدي نتكلم بطريقة مبسطة عن حبة تاريخ و علم فايروسات

بالنسبة لفيروس كورونا هي عائلة كبيرة موجودة في الطبيعة و بتسبب امراض في الحيوانات و بنتقل بيناتهم، في منو بقولو 4500 نوع، لكن الحدث فيهم طفرات و بقو بصيبو البشر قليلين

المعلومة الما عارفها اغلبنا، انو في انواع من النزلة بتسببها انواع من عائلة الكورونا

لكن اسوء انواع مرت علينا هي

SARS-CoV

و هي بتسبب لينا مرض ال severe acute respiratory syndrome (SARS) و ده كان سبب في وباء عالمي سنة 2003 كان في الصين برضو (ماف زول بالله يبدا نظريات مؤامرة) و كانت سبب في بداية لوائح الصحة العالمية، اللي هي حاليا اساس في انو تحمي العالم من الاوبئة العالمية و كان ليها دور مهم

MERS-CoV causes Middle eastern respiratory system(MERS)

و دي جات سنة 2012 و كانت انتقلت بين البشر و جات من الجمال و انتشرت في السعودية و مناطق اخرى مجاورة، ما انتشرت و بقت وباء عالمي زي اخواتها الاتنين لاسباب مختلفة، لكن التلاتة فيروسات ديل بسبب التهاب رئوي مع اختلاف نسبة الوفيات