جزء من حوار للعظيمة/ سعاد حسني مع الكاتب منير مطاوع فى كتابه "سندريلا تتكلم":

"اتصلت بيا (فلانة) ولقيتها بتقولى ياسعاد اتحجبي بقى عشان ربنا يشفيكي والتانية تقولي اتحجبي وفيه أمير حايجبلك فيلا في مصر وحايعالجك ويصرف عليكي...

...يتبع... https://t.co/ni7AfpDY4o

تعرف..أنا عارفه الجماعات دي عاوزه ايه وعارفه ان الشيوخ دافعين فيا مبلغ وقدره عشان أى واحده فيهم تخلينى أعتزل وأتحجب وأقول الفن حرام..

تصدق الفن اللى ضيعت فيه عمرى واللى هو بيتقاس منه تقدم الشعوب أنكره وأقول عليه حرام..!!!

...يتبع.... https://t.co/dytXutbk87

ده حتى ربنا يزعل مني قوى وأبقى واحدة لامؤخذة مش كويسة..هو ينفع نقفل الأوبرا ونقول الباليه حرام ونحرق أغانى أم كلثوم أو مثلا أفراحنا تبقى من غير أغانى وزفة وموسيقى..!!الناس دى عاوزه تخنقنا..

واحدة قالتلى ياسعاد أنا معايا فيزا للسعودية اتنقبى وقابلينى هناك وتختفى عن الصحافة..

يتبع+ https://t.co/xExOWIJzZX

...وتقوليلهم توبت..

و واحدة تانية قالتلى تعالى تركيا جماعه فلسطنيين عاوزين يعالجوكى.. بقيت مزاد يا منير..والكل عاوز أعلى سعر..

أنا لو حاروح بيت ربنا عاوزه أروح بفلوسى و على رجلى و أنا فى كامل صحتى عشان أدعيله من قلبى مش بفلوسهم".

ألف رحمة عليكى يا ست القمرات كلهم..❤ https://t.co/wUUbbnQ5oo

❤❤ سعاد حسنى ❤❤ https://t.co/ktqzzj5RVq