خليني اتكلم بعقلانية ومع اني اعرف في ناس حساسين وفي ناس يفهمون بالمقلوب لكن تذكر "صديقك من صادقك وليس من صدقك".
يشتكي البعض من محاربة الاجنبي له في الشركات، خليني اقولك هذا شي طبيعي، الاجنبي مايحاربك لحالك، الاجنبي يحارب حتى ولد عمه الاجنبي،
يتبع=
والسعودي لو حصلت له فرصة ايضا راح يحاربك.. ليش طيب؟
لان القطاع الخاص قطاع تنافسي، قطاع يتسم بالصراع والتنافس وكل شخص يبغا يظهر فيه حتى ولو كان على حساب شخص اخر.
هذا شي طبيعي في القطاع الخاص، وماراح ابالغ لو قلتلك حتى القطاع الحكومي فيه السعودي اللي يحاربك وياخذ جهدك.
يتبع=
اللي ابغا اقوله ان هذه طبيعة البشر وهذا ديدن القطاعات التنافسية، وتختلف درجة وحدة الحرب والصراع حسب قدرة المدير والقائد على احتواء المجموعة والتمييز بين الافراد والاعتماد على اللي يشوفه ويتجاهل اللي يسمعه.
اعرف شخص عمل في شركة وما استمر فيها بحجة انهم اجانب ويحاربوه،
يتبع=
ومدير اجنبي يتحكم فيه "حسب كلامه"، وبعدها عمل في شركة ثانية غالبيتها سعوديين ومديرها سعودي وايضا ما استمر، حسب كلامه ان المدير من القبيلة الفلانية ومايفهم ومابقي الا هيا انه واحد زي هذا يتحكم فيه ويأمره.
الشخص هذا من فشل لفشل مستمر، وعلى نقيضه اعرف شخص ثاني،
يتبع=
عمل في شركة غالبيتها اجانب، وواجه الحرب، وعقد بعض الصداقات، وكان يتقبل اوامر مديره الاجنبي، وشخصيته قيادية وقوية، والله العظيم ان الشخص هذا كان موظف عادي جدا و اقل من عادي، والان هو مدير لاحد القطاعات فيها وبمميزات عالية جدا ما شاء الله.
يتبع=
