#قصصلأبطالفلسطين

أمي كانت تضل تحكيلي إنت لازم تصير مهندس أصير أضحك وأحكيلها لا إنتي بدك أصير مهندس مشان ما أضل بلشان باليهود ، وأقلها يما همه إلي بيجو علينا ع المدرسة بدنا نطلعلهم ونضل نرمي عليهم حجار، وصلت توجيهي وبلشت مطاردتي وإنجحت توجيهي وأنا مطارد https://t.co/v08KBnVTrV

بطلت أرمي حجار صرت أصنع قنابل وعبوات ناسفة ، أكون قاعد بالدار أطلع أمي تحكيلي وين أقلها بدي أطعميهم من الزاكي ، وأروح أفجرلي آلية ، كنت كل شهرين أنصاب إصابة ، طاردوني 5 سنين وكانوا يطاردوني بدهم يقتلوني طخوني 6 رصاصات ببطني وخصري وقمت بعد كم شهر

تفجرت عبوة ناسفة فيي قطعت أصابعي وتفجر حولي 6 برامي متفجرا من قوة الإنفجار والله الناس الي ماشية بالشارع صارت تضرب ببعض ، بالمستشفى ما في إلا عيوني مبينات الدكتور حكا بده 6 شهور بس بعد شهرين قمت وجهي بلمع ، فخخت سيارات وفجرتهم

مرة جبت زير مي عبيته شرايط ممزعة، ووقفت ع ظهر عمارة وحكيت لصاحبي بس تمرق الآلية أرمي عليها مولوتوف بس أعطيها شرارة ع بوزها وشوف شو بدي أعمل،أعطاها شرارة ونزلت الزير عليها، مضلش حديدة راكبة ع حديدة فيها جابوا ونش سحبوها ،أبوي كان عارف إنهم رح يصفوني كان يقلي شو ما بتقدر تعمل خير

كنا نضل مطاردين وكل ما أمزط من إغتيال وطخ يزيد حقدهم علي لحد ما طلبوني حي ، راقبوا تلفونات صحابي وأهلي كل واحد بحكي معي بحبسوه 6 شهور بدهم إياني عايش ، حاصروا مباني علي وكنت أشرد ومرة راح أخوي بعملية إغتيال كانت مجهزة إلي وإستشهد بدالي