#أساطير_النحسو @moemigegy

طبعا دلوقتي كلكم شفتوا الأنماط العنصريه إللي بتتكرر بعد كل إكتشاف أثري مصري. وعدتكم هحكيلكم قصه لمواجهه مابين مصريين وامريكان افروسنتريين، والتنمر إللي بنتعرضله. مهم إن كلنا ننشر الوعي ونعرف بالروايه الأفروسنتريه عشان محدش يتضطر يتحط في موقف محرج مماثل. https://t.co/EZ3KA0fq5I

اللي حصل إن مصريين عايشين في هيوستن، تكساس، ضمن كوميونيتي أغلبه مهاجرين؛ مصريين، توانسه، لاتينيين، يونان، قبارصه، و الاغلبيه افريكن امريكنز.

عندهم فالجامعه يوم عالمي/ثقافي كل سنه؛ فيه كل مجموعه بتتكلم عن ثقافتها. ففاليوم كل طالب او مجموعة طلاب بيجيبوا اكلات ولبس وأغاني وحتى رقصات من تراثهم الخ.. زي الصور.

المهم، طالبه مصريه (الراويه) اتفقت مع صحابها المصريين أنهم يظبطوا كل حاجه اكل مصري بقى و لبس مصري قديم و كدا وكل البلاد عملت نفس الكلام. بس اللي حصل:

إن اولا كدا التوانسه جم على الاكل وقالوا في وسط الحفله ده دا انتم أكلكم كله مسروق؛ الكشري هندي، والفلافل شامي، والبصاره تونسيه ومغربيه، هكذا. وطبعا البنات و زمايلها بيردو عليهم، وجوجل انصفهم شويه.