ليه في ناس في السوشل ميديا تكرهك ؟ وتحقد عليك ؟ ليه تلقى ناس تضرب من وراك تحت الحزام ؟ أو حتى مايتورع أنه ينتهك النظام ليرميك بأكبر الألفاظ ؟ تبغى تعرف ليش ؟ أنا عرفت تعاطفت معهم وعورني قلبي ، سواء لفظ سلبي ، أو تكذيب ، أو شخص أخذ خدمة عندك وماقصرت معه في شيء لكن في بطنه شيء ؟
بتكلم عن "ساكولوجية" ليه الناس الي "تكرهم" تتصرف كذا ، وليه تتصرف كذا ؟ عدة أسباب تخليهم يتصرفون كذا ؟ وكيف تتصرف معهم بحيث أنك ماعاد "تقلق بشأنهم " مرة ثانية .
بداية أقول مقولة لأحد مشاهير السلة في العالم :
? الكارهين هم مشكلة جيد الحصول عليها ، لا أحد يكره الناس الجيدة !!
هم يكرهون فقط الناس "العظيمة" "كوبي براينت"
نبتدي بسم الله ، كيف نتعامل مع "الكارهين" إذا كنت إنسان فعال في السوشل ميديا ، إذا كنت تبني بزنس أو إذا كنت عايش حياتي عادي ، راح تلقى "الكره" ، كثير ما تبدأ تستغرب هل كلامهم صحيح ، تبدأ تحكم على كلامهم ، راح أثبت اليوم ليه يسوون كذا ، وكيف ماعاد يضايقك الكلام أبدا
أنا يتم "كرهي بدون سبب" كل الي اسويه أجلس ببيتي وأشتغل على البزنس حقي ، إذا ماكنت في حياتي كصديق ، كشريك عمل ، إذا ماكنت من عائلتي أو علاقاتي ، قد اني حتى ما أعرفك أنا ما أشوفك ولا أفكر فيك ، ماسويتلك حتى فولو ، ما أشوف الستوري حقك لكن تجد أنك تحصل على "كره" من هذي الناس
