نحكي بقى على اسكندرية وجمالها وازاي ممكن ننبسط ونقضي يومين حلوين
ميكروباص رحلات واطلعوا بينا الصبح بدري
اول ما توصلوا افطروا..فيه كذا مكان عجبوني للفطار ..جاد في ميامي..محمد احمد و جليم باي قعدته حلوة قوي فيه كافيه اسمه سوفريه فطاره لطيف
روحوا اعملوا تشك ان في الفندق وانزلوا
حسب بقى هدفكم ايه..زيارات ومعالم روحوا متحف المجوهرات ..هتنبسطوا قوي..فيه كمان كوم الشقافة والمسرح الروماني ..وفيه مكتبة الاسكندرية
لكن لو زي حالاتنا عايزين دلع ..روحوا ديليس وخدوا قهوة او شاي او روحوا السلسلة قدام مكتبة الاسكندرية ..تحس انك قاعد في وسط البحر ..او الشاطبي
الغدا بقى..متأخر شوية طبعا واعتقد لو لكم في الاسماك مافيش احلى من شعبان في المكس..او زفير ..قعدتهم حلوة قوي . ابو اشرف لذيذ بس جوه حارة مَش فيو
فرج اوفر رياتد والفيش ماركت موجود في مصر
لو مالكوش في الاسماك يبقى مافيش غير ملك السمان في العطارين ..السمان روعة والسجق المشوي يجنن وبرام الرز بالكبد والقوانص يجنن والفريك روعة وورق العنب زي الفل
هتحلوا؟ النظامي رز بلبن بالايس كريم وبيقولوا الشيخ وفيق بس ما عرفناش نروح..نصيحة بلاش جيلاتي عزة علشان ده لبن مجمد بس مَش ايس كريم خالص
