تجربة الزيارة العائلية للسعودية ??

جهة القدوم دبي ?

نقلاً عن عميلة جزاها الله كل خير لخصت حتى التفاصيل الدقيقة : ⬇️

السلام عليكم جميعا

بخصوص الناس العندها مستند تأشيرة زيارة عائلية متعددة السفرات للسعودية وجهة القدوم هي [دبي] وعملت حجز تأشير صالة مميزة . https://t.co/Zyig5aihg3

بالمنشور دا عاوزة أشارككم تجربتي عشان انا برضو كنت بحتاج معلومات وماكنت بلقاها بالساهل وعليه ح أكتب خلاصة تجربتي بأكبر قدر من التفاصيل ولعل الله ينفع بها من يحتاج.

فيزا دخول الإمارات:

كان قدمت طلب فيزا سياحة عائلية لي ولطفلي عمره اقل من سنتين، ماعملتهم فيزا أفراد لأنو حسب مافهمت ماينفع وانا كدا كدا كان عندي زمن كافي جدا وبديت من بدري فأي تأخير بتاع في سيستم الشارقة كان مقبول لأنو ماكان عندي مشكلة اطار زمني ضيق.

وفعلا اخدت وقت طويل شديد لكن في الأخير تم قبولها واصدروها لينا الحمدلله.

2️⃣طلب الزيارة العائلية من أحد الأقارب:

اتعمل وياهو اخد الزمن بتاعه انو تم الرد بالإيجاب خلال يوم إلى 72 ساعة بفضل الله اتيسرت الخطوة دي.

3️⃣ حجز الطيران:

كما هو معلوم سعر تذاكر الطيران بيعتمد على هل حجزت رحلة تاريخها قريب او بعيد وكمان على حسب الموسم الخ...، فعموما الحجز عملناهو بعد ماضمننا انو تم قبول الزيارة العائلية من وزارة الخارجية السعودية. وكانت في رينج مقبول لينا من حيث التكلفة بفضل ربنا