(نهاية أمريكا) دا بقا السرد اللي قلقان منه وانا بكتبه لأن هيبقى فيه هجوم كبير عليه ....يلا على بركة الله نبدأ ?
في البداية هسأل سؤال كدا مهم جداً وبناءً عليه هيتحدد كل شيء والسؤال هو: قوة أي دولة في العالم تكمن في أيه؟؟؟ فكّر كدا في السؤال وتعالا نجاوب هنا ?
قوة أي دولة عُظمى بتكمن في اقتصادها وقوة أمريكا في اقتصادها ودا الشيء الوحيد اللي بيخليها تسيطر بسهولة على العالم ...ولو راجعنا التاريخ هنلاقي إن الاتحاد السوفيتي كقوة عُظمى إنهار بسبب انهيار اقتصاده (وبالمناسبة اليهود اللي تسببوا في انهياره) ومد إيده لإيد عدوه علشان يساعده!!?
وانهيار الحضارات والأمم السابقة حصل قبل كدا بعد إرسال الرُسُل لها ...ومش من زمن بعيد حصل انهيار اقتصادي تاني للأمم والدول العُظمى السابقة زي فرنسا وبريطانيا وعندك من الدول القديمة زي الفُرس والروم وغيرهم ?
طبعاً اللي بيقرأ هيقولي ثواني بس كدا يا صقر ..فهّمني هي أمريكا اقتصادها ضعيف يا عم ازاي دا أمريكا اقتصادها قوي؟؟!!! الحقيقة دا اللي الناس كلها فاكراه ...لكن الواقع عكس كدا تماماً ودا مش كلام وخلاص دا كلام منهم فيهم ازاي بقا ...تعالا وهفهمك خطوة خطوة?
