في هذا الثريد باتكلم عن نمط جميل في السفر يسمى (قلامبنق) أو التخييم الفاخر Glamping=glamorous+camping

وانتشر في السنوات الأخيرة بين المسافرين اللي يحبون العزلة وقضاء ليالي وسط الطبيعة بدون الحاجة لنصب الخيام وأكياس النوم وشب النار، ببساطة تخيم بكل وسائل الراحة والفخامة https://t.co/6kJN0C2102

التخييم الفاخر Glamping له عدة أنواع

١- الخيام الخشبية

وهذي زي الخيام العادية بس تكون منصوبة ومثبته ومجهزة بكل وسائل الراحة من سرير مريح لدورة مياه مجهزة لكهرباء وبعض الديكورات الجميلة https://t.co/ZuuPbDqU7x

٢- الكوخ الخشبي

زي فكرة الخيمة بس عبارة عن كوخ صغير خشبي وتتنوع أشكاله فيه الاسطواني والدائري وغيره، وكلها فيها وسائل الراحة والخدمات وغالباً يكون صغير كافي لشخصين فقط https://t.co/xLvEjpFe00

٣- المقطورات

وهذي معروفة من زمان عند كثير من محبي الترحال، تكون عربة مجهزة بكل شي وتختلف عن الباقي انها تتنقل من مكان لمكان، ومؤخراً شفنا منها أنواع فخمة ومناسبة للمهرجانات والأشياء المؤقتة زي ماشفنا في موسم العلا والسودة https://t.co/pClo8mPgqD

٤- الفقاعة الشفافة

وهذي فكرة جميلة جداً اشتهرت مؤخراً وميزتها انك تقدر تتأمل المنظر الطبيعي حولك من غير ماتطلع من الفقاعة، أو تتأمل النحوم بالليل وانت في سريرك https://t.co/bu44Vn3cO1