ثريد تجربتي مع جهاز الليزر فيلبس (التاسع والعاشر)

بالبداية احب اقو للكم اني خوافة مرة مرة مرة ??

اذكر اول ما شريته كنت اجلس بالساعات افكر واستخير عشان اضرب ومضة وحدة في جزء من يدي ?

وبالنهاية ألغي فكرة الجلسة واقفل الجهاز واحطه ☹️

على هالحال اسابيع، لين مرة من المرات اختي سوته لي بيدي وقعدت اصيح مع انه والله ما يعور ولاشي ولا شي ??

والحمدلله من بعدها صرت اسوي للجسم كامل عدا الوجه كنت اخاف على اسناني ليه ما ادري ?? <خوافة درجة اولى

وترا كل تجربة تختلف عن الثانية وممكن تكون أحسن وممكن تكون اسوأ.

للأمانة ما عمري انتظمت بالجلسات يعني كل ما روقت سويت، احيانا فترة شهور واحيانا اسابيع، بس نصيحة مني انتظمي والتزمي وشوفي سرعة النتايج.

وهذه بعض النصائح وبعدها بكتب النتائج:

1- بالبداية تشيلين شعرك بموس مناسب وكويس وترطبين المكان بمرطب طبي وبدون روائح وانصحكم بمرطب يوسيرين Advanced Repair هذا الرطب قوامه وسط لا ثقيل ولا خفيف رطبي فيه جسمك ٣ مرات باليوم واليوم الثاني ابدئي بالجلسة. https://t.co/wdL5zTsK0N

2- تحديد الدرجة:

*الاصدار التاسع ما يحدد لك الدرجة المناسبة لجسمك فتضطرين تجربين من الرقم 5 اذا لونك فاتح او حنطي اما اذا لونك غامق جربي من 4 او 3 عشان لا تصيبك حروق، انا حنطية واستخدم 4 و 3. https://t.co/GZbsAIZ8Ge