من الاخر التويتة دي حتزعل ناس كتير
الكلام للكل
راجل او ست
الحجاب فرض على الراجل و الست
ايوه زي ما قرتها
الست معروف مفروض تلبسه
أما الراجل فرض يلبسه للي لازم تلبسه و تخصه من بيته
يعني مراته او بنته او اخته
النبي صلى الله عليه وسلم قال كلكم راع و كلكم مسؤل عن رعيته
وده اولا
ثانيا لبس المرأة شرعا او في الإسلام يعني له ٦ شروط
فرض على الراجل و الست نفس الكلام
تيجي واحدة بتلف راسها ي علبة الحلاوة او لابسه حجاب و من تحت بنطلون او حجاب كامل مظبوط و بتحط مكياج كل ده فشنك.. مينفعش
ده مش كلامي ده كلام الفقهاء الاربعة
فبلااااش نعيش في الحرام
ايوة بلاش نعيش في الحرام لان الموضوع مش سهل نهائي و فيه توعد و لعن يعني طرد من رحمة الله
حاليا كده بالصلاة على النبي يعتبر ٩٥٪ من الحجاب الموجود غلط مش شرعي لانه لا يحجب مفاتن المرأة و ده مقصود الحجاب
تخيل نفسك يا عم الذكر و الحريم تبعك طالعين نازلين الكل بيتشاهد في حلاوتهم
يعني يا عم الذكر حضرتك كده لنا تعرف وتسكت اسمك في الدين ديوث
يعني لا تغار علي محارمك
وحضرتها توعدها النبي صلى الله عليه وسلم بعدم دخول الجنة ولا حتى تشم ريحتها
كلام يوجع
بس ده لخوفي عليك و على مجتمعنا المسلم
ولأن ذنوبنا طغيت جدا و احنا مش حاسين
الكلام كتير لكن الاختصار اتقوا الله
