هل أعلنت منظمة الصحه العالميه ان المصاب الذي لا تظهر عليه أعراض، لا ينقل عدوي الكورونا؟
هنجاوب علي السؤال ده من واقع المؤتمر الصحفي اللي عملته منظمة الصحه العالميه بعد إنتشار خبر منسوب للمنظمه ان المصاب اللي لا تظهر عليه أعراض لا ينقل العدوي.
#منظمةالصحةالعالمية
#فيروس_كورونا
اصل الحكايه هو سؤال اتوجه في المؤتمر الصحفي اليومي امبارح عن معدل انتشار العدوي من الحالات اللي لاتظهر عليها أعراض.
طب السؤال ده مش سهل أبداً الإجابه عليه، لأن علشان تعمل دراسه لإحتمال نقل العدوي من شخص لا تظهر عليه الأعراض مقارنه باحتمال نقل العدوي من شخص تظهر عليه الأعراض صعب.
حالياً معظم الدول متبعه نظام التحاليل لمن تظهر عليهم أعراض وفيه دول بتعمل تحليل الفيروس فقط للي هيحتاج يدخل المستشفي وقليل جداً الدول اللي اتبعت نظام التحليل بشكل موسع لأن التحليل مكلف وعايز امكانيات كبيره للتصنيع واخذ العينات واجراء التحليل لمئات الآلاف او يمكن ملايين من الناس.
وبسبب اختلاف ظروف كل دوله من ناحية الإمكانيات دي، فعمل أي دراسه لمعرفة عدد المصابين اللي معندهمش أعراض صعب وقليل جداً وده ميوفرش أي معلومات تقدر اي جهه طبيه تبني عليها قرار هيبقي ليه تبعات ممكن تبقي كارثيه لو كان القرار غلط.
المشكله ان ممثلة المنظمه اللي جاوبت علي السؤال قالت رأي فني يعتمد علي دراسات لسه ما اتنشرتش او اتراجعت من جهات علميه مستقله زي ماهو متبع فدخلت نفسها والمنظمه في الأزمه دي لما قالت ان في دراسات بتقول ان مفيش معلومات كافيه عن معدل انتشار المرض من المصاب اللي لا تظهر عليه أعراض.
