النهاردة زي ما بيفكرني اني بقالي سنة بره السجن بيفكرني ان رفاقي في السجن بقالهم سنة زيادة جوا السجن بعد ما خرجت انا ، فخلوني احكيلكم شوية عن رفاقي في الثريد ده .

محمد صلاح الي اتقبض عليه في نفس اللحظة معايا ومتوجهله نفس الاتهامات لسه جوا السجن وبيتم سنتين ونص في السجن بدون اي داعي ، محمد اب لطفلين مالك ومروان https://t.co/Vk5KLIdEGx

زميل الفرشة والخناقات حسن مصطفى سوا ومع بعض من اول يوم لينا في السجن لحد يوم خروجي اتنقلنا سوا من زنزانة لزنزانة ومن عنبر لعنبر ، لما تقول حد على حد سندال و ع الثبات فهو حسن مصطفى ، حسن اب لطفلين ادهم وشمس وبيكمل في السجن سنتين ونص بدون اي تهمة . https://t.co/ClrgMm5ZY4

مصطفى جمال " ككا " اخويا وملاكي الحارس كنت اعك الدنيا واخربها واعمل حاجات توديني العقرب وككا يلملم ويمرهم ورايا عشان متأذيش ، كتف في كتف طول فترة حبسنا سوا ، مصطفى بدأ سنته الخامسة في السجن بس عشان وثق صفحة المغني رامي عصام ضمن شغله في السوشيال ميديا . مصطفى ابوه مات وهو ف السجن. https://t.co/HdB7FLzfR6

الدكتور وليد شوقي ، بلبوكا صاحبي ❤️ واحد من اجمل الناس الي قابلتهم في السجن وليد مسجون للسنة الرابعة وسايب زوجة وطفلة هبة ونور ومفيش سبب منطقي يخليهم حابسينه لحد دلوقتي