مع انتشار جائحة زى جائحة وباء فيروس كورونا COVID-19 اللى بيتعرضلها الكون دلوقتى، ناس زى المجرمين الرقميين Cyber Criminals هيحاولوا جاهدين انهم يستغلوا حاجة زى دى بلا رحمة او ضمير، علشان متصبحش ضحية لحاجة زى دى وزى ما دايما وفى كل بوست بنادى بحاجه واحده بس وهيا "الوعى الامنى"
واللى هوا الشئ الوحيد بس اللى ممكن ميحولش جائحة صحية لجائحة رقمية فى عالم مش محتاج اى جائحات تانيه الحقيقه، وعيك الامنى زى وعيك الصحى بالظبط ينطبق عليه قانون "الوقاية خير من العلاج" ودا مفيد جدا فى حالات كتيرة زى حالات تطبيقات الفدية الخبيثة على سبيل المثال اللى بتشفر ملفاتك
وبتطالبك بدفع فدية مالية، رجوعا لموضوعنا الاساسى وعلشان تحمى نفسك من حاجه زى دى وبشكل عام حاول تقرأ النصائح الموجودة هنا: https://t.co/vKaRh0qbr6 اما بشكل متخصص مقومش بتنزيل اى تطبيقات على تليفونك ولا على الكمبيوتر ولا على اى شئ ليها علاقه لا ب كورونا ولا ب COVID-19
ولا بأى شئ يذكر SARS-COV2 ولا حتى تطبيقات لمنظمة الصحة العالمية ودا لسبب بسيط جدا لانك انت كمستخدم عادى مش هتقدر تفرق مابين التطبيقات الاصلية والتطبيقات المزيفة او حتى الاصلية المدمج معها تطبيقات خبيثة، اى مصادر هتحتاجها لمتابعة الجائحة دى هى:
- موقع منظمة الصحة العالمية باللغة العربية: https://t.co/vAf8A79vII
- خريطة للاحصائيات مقدمة من جامعة جونز هوبكينز هنا: https://t.co/9POiggcHPK
- بث مباشر للاحصائيات على يوتيوب: https://t.co/vGGT1iN3Bq
