الثريد حاقول فيه life hacks للتنظيف انا شخصيا جربتها وبعملها ع طول، سواء شفتها وجربتها ونفعت، او حاجات الفتها ونفعت برضه??♀️
مواد التنظيف المستخدمة مافيهاش حاجات كيمائية كلها حاجات من البيت الا الصابون السائل واستعملي صابونك المعتاد
مش عايزة تريقة بقي وشغل الي ربات البيوت دا?
الشكوي:
حوض المطبخ/الحمام مجير
الحل:
طبق حطي فيه حوالي معلقتين اكل بيكربونات صوديوم ومعلقتين سائل تنظيف المواعين وشوية ماية صغيرين لحد مايبقوا عجيبة سايلة وتفرديه علي الحوض وسبيه لمدة ربع ساعة، هاتي سفنجة مواعين عادية مش سلك وادعكي العجينة ديه شوية واغسليه حتلاقيه مرايا?زي دا?? https://t.co/nQazcRXDXe
الشكوي:
الارضية سيراميك بس كل ما امسح الاقيه مجير
الحل:
جردل المسح امليه ماية سخنة وعليه منظف ارضيات بتاعك وعليه من ربع ل٣/٤ كوباية زيت اكل (ع حسب المساحة اللي حاتتنضف)
ادلقي كل دا ع الارض وسبيه نص ساعة وامسحيه بالمساحة عادي
طبعا نتجنب ان حد يمشي عشان الزحلقة من الزيت والاصابات?
طبعا الاسئلة اللي حاتدور ف دماغكم
س: الارض حاتبقي مدهننه
ج: لاء خالص عشان دول شوية صغيرين وحايتمسحوا والارض حاتنضف وتلمع ومافيش دهننة نهائي
س: تتعمل كل قد ايه
ج: كل كام شهر مرة لما تحسي السيراميك مطفي/مجير
س: احط زيت ايه
ج: اي زيت اكل ومش بكمية كبيرة (مش عشان الدهننة عشان الهدر)
وعشان المصداقية
دا منظر السيراميك مثلا في اوضتي بعد ما مسحته بالزيت، بعد ما كنت وضبت الاوضة والسيراميك بقي عار من النقاشة والبياض ??
وديه كانت مسحة سريعة يعني عشان ارجع كل حاجة مكانها، السيراميك مش مدهنن ولا مجير !
هو كان محتاج مرة مسح تانية بالزيت، بس بعوضه بالمسح العادي ??♀️ https://t.co/audRvM6k7I
