المكان: عزبة شمس الدين، صفط أبو جرج ،بني مزار، المنيا .
الزمان : فجر يوم الخميس 29 ديسمبر 2005.
الحادثة دي متصنفة من أكثر الحوادث غموضا في العالم!
مكان الحادث و ملابساته و الطريقة المستخدمة في القتل و عدد الضحايا.... كل ده رسم كمية علامات استفهام لا حصر لها. https://t.co/3veSTkHX5K
البلد فيها شارع رئيسي ( اللي هو أوسع شارع في البلد )
التلات بيوت قريبين من الشارع الرئيسي، بس بعاد عن بعض نسبياً.
بداية إكتشاف الحادثة .
أبو بكر عبد المجيد.. خباز... طبيعة شغله بتخليه يصحي الفجر كل يوم،، يصلي في الجامع و يروح يصحي أمه اللي عايشة هي و أخوه طه في نفس البيت.
يوم الحادث راح علشان يصحي أمه كالعادة
فتح الباب بالمفتاح اللي معاه، أول ملحوظة إن نور الصالة مطفي علي غير العادة
دخل يصحي والدته لقيها مدبوحة جري على اوضة أخوه طه علشان يستنجد بيه المفاجأة اللي خليته يصرخ بأعلى صوت إنه اخوه هو كمان مدبوح بنفس الطريقة بعدها
( كده العدد 2 )
محمود يحيي أبو بكر.. تلميذ في إعدادي...المفروض يروح المدرسة مباشرة من عند جده،، بس اكتشف إنه نسي كتبه في البيت،، راح علشان يجيبها
لقي أبوه و أمه و اخواته ( محمد و أسماء ) كلهم مدبوحين بنفس الطريقة.
زينب و أم هاشم سيد محمود عودة،، اختين كانوا سهرانين في الدور التاني من بيتهم و نزلوا بعد الفجر علشان يناموا
نزلوا لقيوا أبوهم و امهم و اخواتهم ( أحمد و فاطمة ) مدبوحين بنفس الطريقة البشعة.
( العدد كده وصل 10 ضحايا مقتولين غير محمود اللي مات بالسكتة القلبية )
