تعالى ابسطلك ليه الخناقه الكبيره سعادتك على سنه رابعه ابتدائي والتعليم بشكل عام‼️
التعليم عندنا كان زمان لو اى بقرة معديه ممكن تدخل مدرسه ببلاش ، ومش بس كده ، لا و تنجح وتتخرج كمان ‼️
طب ازاى ⁉️
اعمل المناهج سهله ، الغى الدروس الصعبه ، و خلى الامتحانات هايفه ومكرره، وسيب المدرسين يدوا دروس ، وخليهم يحفظوا العيال ، مفيش مشكله ، طب ولو برضه مجموعه وحش ‼️ مش مشكله افتح الجامعات واقبل اضعاف طاقتها من الطلبه خلى العيال تنبسط و اهاليهم يرتاحوا...
ناس تقول ده المدرسين بيقولوا مش عارفين يشرحوا ⁉️
طبيعى يا فندم مهو كان مستفيد من الميغه السابقه ‼️
زى معاليك بالضبط ، لما كان الاتفاق انك هتودى عيالك دروس ، وتدفع فلوس نظير ان عيالك ينجحوا بغض النظر عن تعليمهم ، و المدرس كان بيشرح نفس المنهج لعشرات السنين..
وبالتالى مفيش تطوير ولا مجهود عليه ، لانه نفس المنهج ، وطبيعى ينزعج لما كل ده يتغير ، انما كل المدرسين تم تدريبهم فعلا ، و اللى بينكر كذاب ، وبعدين هنروح بعيد ليه ، مهو هو شخصيا خريج نفس المدرسه القديمه الفاسده‼️
النتيجه ، ان كل الكان ببلاش و ما تم دعمه منهار ومتدهور ، واللى اكلته بط بط ، وتصورت انه حق مكتسبه ، هتجيبه وز وز...
وهتفهم بالطريقه الصعبه انه لا ينبغى الا لمن يستحق ✋
