من زمان كنت عايز اكتب ثريد عن ليه بطلنا نعمل عمارة كلاسيكية زي بتاعة وسط البلد وليه المباني بقت شبه بعضها من غير هوية مميزة لكل بلد، والحقيقة ده موضوع معقد جدا ووجهة نظري فيه مختلفة شوية عن الشائع، لكن خلينا متفقين ان العمارة عموما علم يقبل اختلاف المدارس، مش ١+١=٢ https://t.co/b9ahvE0y5S

طيب خلونا نتناول الموضوع من خلال الإجابة على شوية أسئلة، أولا هل احنا في مصر بس اللي بطلنا نعمل النوع ده من العمارة؟ طبعا لأ، الأوروبيين (أصحاب الملكية الفكرية نفسهم) بطلوه من قبلنا، ده اللي بيتعمل دلوقتي في لندن/باريس/روما/مدريد بترتيب الصور https://t.co/7B3cy11HbJ

ثانيا هل الطراز ده كان بيعكس هوية المدن المصرية؟ إلى حد كبير آه في وقته اللي هو لحد الخمسينات لما كان عندنا تنوع ثقافي وعرقي، وكان بيعكس الجانب الأوروبي بس من الهوية دي، في الحقيقة دي دلائل هيمنة إيطالية/فرنسية/انجليزية، الهوية المصرية كانت في الأحياء الشعبية وده نقاش مختلف https://t.co/KrIYoiceey

ثالثا طيب من وجهة نظر معمارية بحتة هل الطراز ده نفسه بيعكس هوية متفردة وبيخدم وظيفة المبنى؟

الأربع صور اللي تحت هل تقدر تعرف (بدون الاستعانة بجوجل) كل مبنى موجود في أي بلد؟ طب كل مبنى وظيفته إيه؟ (محكمة ولا جامعة ولا مستشفى إلخ)

الإجابة مش هتعرف لأن مكانش مهم الوظيفة قد الشكل https://t.co/nML5myr0Mu

وكتير من المباني الكلاسيكية في العالم اتغيرت وظيفتها كذا مرة من مقر قيادة الجيش لمستشفى عسكري لمركز ثقافي لمتحف وهكذا، وبالتأكيد المبنى مقامش بوظيفته بكفاءة وفعالية في أي فترة من الفترات دي لأنه ببساطة الوظيفة مكانتش متاخدة في الاعتبار بالقدر الكافي