ثريد #سكنطالباتجامعه_سعود

كثير تجيني استفسارات على الخاص عن السكن وأعرف أن كثير بنات مو عارفين اي معلومه عنه لذلك بتكلم عن تجربتي واتمنى من قلبي أفيدكم

ببدأ من القبول إلى الإستقرار بالسكن ?? https://t.co/rruGfVwiPo

✨ التقديم على السكن إلكتروني من بوابة الجامعه تختارين المبنى والغرفه وتقدمين طلبك ولما يقبلونك بيطلبوا منك تعبين استمارات و ترسلين اثبات انك من برى الرياض " صك بيتكم ، فاتوره كهرب ، او اثبات من الشرطه أو اي شيء يدل انك من برى الرياض "

فيه نوعين للشقق :

المبنى الجديد مبنى 42

1- شقه كامله فرديه : دوره مياة وصالة وغرفه نوم ومطبخ بقيمة أجار ٣٠٠٠ ريال بالترم ويتوفر فيها ثلاجه كبيره و غلاية ومايكرويف و تلفزيون و مكتب مرتب تجيبين أنتِ المفرش والمخده واذا عندك أجهزه للمطبخ مثل محمصه خبز أو غيرها https://t.co/jWsO2BkixC

2- شقه مشتركه مع بنت : دورة مياة و غرفتين نوم مستقله وصاله صغيره بدون مطبخ وفيها تلفزيون و مايكرويف و ثلاجه صغيرة وممنوع الطبخ لأنها غير مهيأه بقيمة أجار ١٥٠٠ بالترم

المبنى الجديد هو للشقق الفرديه ومره مرتب ونظيف المباني الباقيه مشتركه وليست سيئه بس صغيره الشقه مره https://t.co/0ooNiYXt1h

✨ في كل مبنى غرف غسيل وفي كل دور بالمبنى مطبخ مشترك مسموح تطبخين فيه

✨ في كل دور بكل المباني صالة مشتركه فيها تلفزيون ونت الجامعه مفتوح يوصلك لغرفتك

✨فيه عيادة مفتوحه يوميًا فيها طبيبه عامه وممرضه في حال تعبتي أو تبين تفتحين ملف في مستشفى الملك خالد أو تحجزين موعد