كيف ممكن تصور صور زي كذا بالرينق فلاش وبدون ما يكون فيها انعكاسات على التركيبات!؟

تابع الشرح في التغريدات الجاية وحخليك تستغني عن السوفت بوكس في صور زي كذا ? https://t.co/FNg73GPDWE

الرينق فلاش عادة ما تقدر تطلع منه اضاءة ناعمة لأنه ما يركب له مشتت اضاءة ( diffuser )

النتيجة المعتادة من التصوير بالرينق فلاش تكون زي الصور اللي تحت ?

(شوفوا كيف الاضاءة ضاربة في وسط التركيبات) https://t.co/PAQdLJwTNV

فيه عدة طرق نقدر نحل فيها هذي المشكلة بدون ما نستخدم سوفت بوكس خصوصاً ان معظم الناس ما تقدر تشتريه

الطرق اللي استخدمتها كانت تتطلب انه يكون فيه صندوق تصوير المنتجات

الصندوق تلاقوه في متاجر كثير وفيه انواع مرة رخيصة ما تتعدى ٥٠ ريال (مو ضروري تاخذون اللي فيه اضاءة داخله) https://t.co/tShX9BaQgP

فيه طريقتين استخدمتها أنا وكلها تهدف لتشتيت الضوء وكلها أعطتني نتائج ممتازة

الطريقة الأولى:

تجيب ورقة بيضاء أو قطعة قماش أبيض وتحطها قدام الفلاش وتصور https://t.co/tybYKRjlMI

الطريقة الثانية:

توجه الرينق فلاش للسقف حق البوكس سواء بورقة زي الطريقة اللي فوق أو بدون ورقة (جرب بنفسك بورقة وبدون وشوف هل وصلت للنعومة حق الاضاءة اللي تبغاها او لا)

هنا في الفيديو الفلاش أنا موجهه للسقف واستخدمت كمان ورقة كمشتت اضافي للضوء. https://t.co/0Z7XwJAItj