صورة الصوم المسيحي للاسف بقت صورة مشوهه جدا :)

في عيون اخواتنا المسلمين وعيون المسيحيين نفسهم وخصوصا الشباب اللي لسة طالع :)

الصورة المتاخدة عن صوم الاقباط اننا بنصحى الصبح ناكل ونشرب ونهيص عادي جدا .. الكلام ده مش صح يا جماعة :)

1- صوم الاقباط صوم انقطاعي .. يمتنع فيه المسيحي عن المأكل والمشرب والتدخين -بالنسبة للمدخنين- وممارسة العلاقات الحميمة كذلك في حالة المتزوجين وده بيتم بالاتفاق بين الطرفين لئلا يسلب احد منهم الاخر.

2- الكلام ده لمدة تزيد عن 12 ساعة تبدأ الساعة 12 بليل وتفضل لحد الساعة 3- 4 عصرا حيث موعد خروج القداسات الالهية النهارية .. او حسب المُدة المتفق عليها مع اب الاعتراف وهو راعي الكنيسة المكلف بمتابعة الحالة الروحية للفرد، يعني من 15-16 ساعة.

3- على مدار المدة دي مافيش بق ماية بيدخل بطن واحد من الاقباط .. وده مُعمم في كل الاصوام مش صوم اه وصوم لا :)

4- وقت الافطار .. بيتناول المؤمن ماكولات نباتية بحته مابيدخلهاش اي عنصر حيواني .. وده له علاقة بغرائز الجسد..

وكمان مبياكلش حاجة ليها نفس الايحاء بتاع الماكولات الغير نباتية زي الجبن واللبن واللانشون والكفتة والبانية الصيامي وشغل انا صايم علشان اتغذى ده :)

5- في يومين في الاسبوع مبنصومش فيهم انقطاعي .. هما السبت والاحد ودول علشان ليهم مدلول ديني رفيع المستوى في الكنيسة،