مهم تعرفوا عن غزة منا احنا أهل غزة:

غزة لا حمساوية ولا فتحاوية

وغزة لا اخوانجية ولا ايرانية

وغزة مش شيعية ولا غيره

غزة فلسطينية وجزء من فلسطين، فيها كل الألوان وكل الأفكار والمعتقدات والمسلم والمسيحي وووالخ وقضية فلسطين هي قضية سياسية مش دينية يا تجار الدين

(1-15)

+++ https://t.co/XLNc6E9ZBb

هتسمع منها مليون رأي وفكر وانتا قاعد برا غزة مش مسموحلك تحكي لأي شخص جاسوس وخاين لمجرد حكى رأي وفكر مخالف لانه هاد شيء طبيعي عنا، والاختلاف هاد طبيعي وحماس مش مقدسة زي م ما بحكولك والأفكار الي زرعوها في راسك لتهاجم أي فكر بعارض، ما بيحقلك تهاجم أي فلسطيني مش مع حماس

(2-15)

+++

حركة حماس مسيطرة على غزة بالحديد والنار من2007، انقلبت على حكومة اسماعيل هنية الي فازت فيها حماس بالانتخابات يعني انقلبت على نفسها، عشان هدفها أكبر من انها تكون شريك بالبيت الفلسطيني، رغم انها اخذت حقها بالترشح والانتخاب وفازت، إلا انه فلسطين عندهم زي عود الأسنان

(3-15)

+++ https://t.co/B5ZzGIWNq3

هاد الحكي مش رأي يناقش، هاد حقيقة وتاريخ صار وقيادة حماس حكتها بلسان احد قيادتها محمود الزهار مشروعنا أكبر وفلسطين زي عود الاسنان بالنسبة لحماس وموجود موثق فيديو مش قاعد بحكي رأي وبهبد، بعد انقلابها على نفسها جرت شعبنا للتفتيت بالأفكار بدعم من الاخوان وايران

(4-15)

+++

سيطروا على الاعلام وبلشوا يشتغلوا بشعارات الاصلاح والدين والآيات القرآنية والتحرير والقدس واشتغلوا على عاطفة الناس من الجوانب هاي، قتلت حركة حماس أكثر من 700 فلسطيني من غزة تحت بند التطهير من الكفرة والعلمانية " الي ضد فكر حماس والاخوان " قتلت وجرحت ودمرت وذلت وقصفت

(5-15)

+++ https://t.co/Qnpre8g8mp