قررت تفتح مطعم او مقهى ؟ هذي اخطاء ارجوك انتبه لها كلها او في أسوء الاحوال اغلبها وكيف تتفاداها:

١- قل الخبرة والتجربة: اقرأ واسال ولا تستحي .. الحمدلله حنا في وقت فيه سوشل ميديا والوصول للناس اسهل بكثير .. ولو ما ساعدك واحد فيه ١٠٠٠ غيره يدورون ناس مثلك يساعدونهم

٢- العناد والغرور vs تسمع لكل احد:

من احتكاكي البسيط في الناس شفت اغلب الناس لقلة خبرته يسمع لكل أحد او على العكس ما يسمع لأحد حتى زبائنه .. لا تكن اسفنجة فتهترئ ولا حجر فتنكسر .. خلك صفاية واسمع للكل وخذ المناسب بعد الفرز

٣- رأس المال ثم رأس المال: اذا كنت تعتقد ان المبلغ اللي معك بيكفي ومسوي دراستك المالية .. صدقني اذا كان اول بزنس لك .. فبيكلفك على الاقل ٤٠٪ زيادة عن تقديراتك .. حط هالشيء بالحسبان .. ولا نشوف (للتقبيل) قبل الافتتاح

٤- الاعتقاد بتخصص التخصص:

التخصص ممتاز ويساعد لكن هذا لا يعني اني لما استهدف شريحة ضيقة جدا اني راح انجح لعدم وجود منافسة . بعض الشرائح تحتاج تكبر حتى تتحول لسوق .. (تأكد ان السوق اللي بتدخله مجدي لك كبزنس او ارض الله من سعة)

٥- التوقيت:

اختيار التوقيت المناسب لفكرة معينة ممكن يسهل عليك اشياء كثير ..

مثل اللي فتح اول قهوة مختصة او اول برجر ..

طيب كيف اعرف التوقيت (ادرس السوق العالمي وخصوصا لندن)

وبالتوفيق للجميع ?