لو انت ليك في جو المؤامرات والخيانة والغدر يبقى التويتة دي مناسبة ليك وهتعجبك

ولو انت ملكش اقرا برضو التويتة يعني انت وراك اي مش هتخسر حاجة يعني

نخش بقى في الموضوع .. ?? https://t.co/BFWxqt9QaH

كان احيانا بيمر على نادي الزمالك شوية هدوء على شوية استقرار بيخلوك تكسب كأس مصر السوبر الأفريقي الكونفدراليه السوبر المصري صحيح بعدها بيتهد اي نجاح بيتحقق زي اقالة المدرب اللي كسبك دوري وكأس او انك تطرد المدرب اللي كسبك كونفدراليه بس كانت الدنيا ماشيه ..

ومع الهدوء ده كان فيه شوية فلوس

فلوس تخليك تروح تشتري أهم لعيب في مصر عبدالله السعيد من قلب النادي الأهلي

المهم إن في عز الهدوء والاستقرار ده جمهور الزمالك بيصحي من النوم على خبر تجميد مجلس إدارة الزمالك

طاب ليه ايه السبب عمل ايه !!

طاب التجميد بسبب حكم محكمة اذن نيابه محضر في قسم عين شمس هو مش دفاعا عنهم ولا حبا فيهم والله بس كنا عاوزين نعرف السبب

لا مفيش بس هي رخامه كده واللي مش عاجبه يخبط راسه في الحيط

المهم روحنا نخبط راسنا في الحيط ورجعنا كان فات ست شهور من المجالس المعينه لغاية ماوصل مجلس الكابتن حسين لبيب

اللي قدر يرجع الهدوء والاستقرار تاني لنادي الزمالك وقدر يكسب كل البطولات في كل الألعاب